>
काठमाडौं — अभिनेता विल्सन विक्रम राईको निर्देशनमा बन्ने नयाँ नेपाली चलचित्र मैझारोको छायांकन इलामबाट सुरु भएको छ। पूर्वी पहाडी जीवनशैली, संस्कृति र सामाजिक यथार्थ प्रस्तुत गर्ने भनिएको चलचित्रको सुटिङ इलाम र पाँचथरका विभिन्न स्थानमा हुनेछ।
राई स्वयंले कथा, पटकथा र निर्देशन सम्हालेका छन्। फिल्ममा धिरज मगर, मिरुना मगर, दीया पुन, सुनील थापा, कविता आले र पुस्कर गुरुङलगायतको प्रमुख अभिनय रहनेछ।
