‘स्व’ देखि ‘उरमाल’सम्म—अब को बन्ला विजेता?

काठमाडौं — नेपाली साहित्यको प्रतिष्ठित पुरस्कार ‘पद्मश्री’का लागि अन्तिम चरणमा पुग्ने पाँच कृतिको नाम सार्वजनिक भएको छ। खेमलाल हरिकला लामिछाने समाज कल्याण प्रतिष्ठानद्वारा सञ्चालित पद्मश्री पुरस्कारका लागि यस वर्ष २०८१ सालमा प्रकाशित २०३ कृति प्रतिस्पर्धामा थिए।

प्रारम्भिक छनोटबाट १५ पुस्तकमा खुम्चिएको सूची अहिले झनै सघारिएको छ—अन्तिम पाँच कृति मात्र बाँकी छन्। यी हुन्:

उरमाल (आख्यान)

छालबाटो (गैरआख्यान)

प्रणाम सगरमाथा (नियात्रा)

स्व (उपन्यास)

हिउँको गीत (उपन्यास)

अब यीमध्ये एक पुस्तकलाई पद्मश्री पुरस्कार प्रदान गरिनेछ। निर्णायकहरूको मूल्याङ्कन प्रक्रिया अन्तिम चरणमा पुगेको छ, र चाँडै नै विजेताको घोषणा गरिने अपेक्षा गरिएको छ।

पद्मश्री पुरस्कार नेपाली साहित्यिक क्षेत्रको एक महत्वपूर्ण मानिन्छ, जसले उत्कृष्ट सिर्जनालाई सम्मान मात्र होइन, साहित्यकारको जीवन यात्रामा नयाँ उचाइ थप्ने कामसमेत गर्छ। अब पाठक र साहित्यिक समुदायको नजर यही पाँच कृतिमा केन्द्रित छ—कुन पुस्तकले यसपटक पद्मश्रीको गौरव पाउने हो?