प्रतिनिधि सभा निर्वाचनको वातावरण बनाउन सरकारले पहिलोपटक राजनीतिक दल र जेनजी पुस्तासँग संयुक्त वार्ता गर्ने भएको छ। यसका लागि आज (बुधबार) अपरान्ह ४ बजे प्रधानमन्त्री निवास बालुवाटारमा त्रिपक्षीय बैठक बोलाइएको छ।
सञ्चार तथा सूचना प्रविधिमन्त्री जगदीश खरेलका अनुसार आगामी निर्वाचन सफल बनाउन सरकार, राजनीतिक दल र सम्बद्ध पक्षहरूबीच चरणबद्ध वार्ता र छलफल भइरहेको छ।
यसअघि ४ कात्तिकमा सरकार र राजनीतिक दलबीच भएको छलफलमा निर्धारित समयमा निर्वाचन सम्पन्न गर्ने सहमति बनेको थियो। प्रधानमन्त्री सुशीला कार्कीको आह्वानमा हुने आजको बैठकले निर्वाचन अनुकूल वातावरण तयार गर्न मद्दत गर्ने सरकारको अपेक्षा छ।
>
