सोलुखुम्बुको लुबुचेमा आज बिहान अल्टिच्युट एयरको हेलिकोप्टर दुर्घटना भएको छ। सोलुखुम्बुकी प्रमुख जिल्ला अधिकारी लीलाकुमारी केसी पाण्डेका अनुसार हेलिकोप्टर ल्याण्ड गर्ने क्रममा चिप्लिएर दुर्घटना भएको हो।
दुर्घटनाग्रस्त हेलिकोप्टरमा यात्रु नरहेको र पाइलटलाई सकुशल उद्धार गरिएको पाण्डेले जानकारी दिइन्। उक्त हेलिकोप्टर काठमाडौंबाट उद्धारका लागि लुबुचे पुगेको थियो। दुर्घटनाको विस्तृत विवरण भने आउन बाँकी छ।
>
