काठमाडौं — अपेक्षा विपरीत, बलिउड फिल्म ‘सैयारा’ ले बक्स अफिसमा चकित पार्ने सफलता हात पारेको छ। अहान पाण्डे र अनीत पड्डा अभिनीत यो फिल्मले पहिलो सातामै भारतीय बक्स अफिसबाट १५५ करोड रुपैयाँ कमाएर सबैको ध्यान तानेको छ।
मोहित सुरीको निर्देशनमा बनेको फिल्म अहिले भारत, नेपालसहित विश्वभर राम्रो कलेक्सन गरिरहेको छ। फिल्म हलहरूमा उत्साहजनक व्यापार गरेपछि यसको ओटीटी (अनलाइन स्ट्रिमिङ) रिलिज मिति पछाडि सारिएको छ।
सामान्यतः भारतीय फिल्महरू हलमा रिलिज भएको करिब ८ सातापछि ओटीटीमा आउने गर्छन्। तर ‘सैयारा’को अपार सफलताका कारण निर्माता कम्पनी यशराज फिल्म्सले नेटफ्लिक्स रिलिजलाई **दीपावली (तिहार)**सम्म स्थगित गर्ने तयारी गरेको टाइम्स अफ इन्डियाले जनाएको छ।
फिल्मप्रतिको माग बढ्दै गएपछि हाल ‘सैयारा’ ८०० पर्दाबाट बढाएर २००० पर्दामा प्रदर्शन भइरहेको छ। यसले हालै रिलिज भएका 'सिकन्दर' र 'हाउसफूल ५' जस्ता ठूला बजेटका फिल्मलाई समेत बक्स अफिसमा पछि पारिसकेको छ।
फिल्म हलमै लामो समय टिक्ने देखिएकाले, यसले अझै धेरै कमाइ गर्ने अड्कल गरिएको छ। ‘सैयारा’ अहिले बलिउडको सबैभन्दा चर्चित र सफल फिल्मका रूपमा उभिएको छ।
>
